Россий Федераций президент Владимир Путинын 2025 ий 10 мартысе Указше почеш Еш институтым пеҥгыдемдымылан да икшывым ончен куштымылан Марий Эл гыч Эдуард Васильевич ден Елена Семёновна Александровмытым «Родительская слава» орденын медальже дене палемденыт.
Эдуард Васильевичым Оньыжа, республикысе мер-политик рӱдерын директоржо, Марий Эл Кугыжаныш Погын депутат семын палена гын, Елена Семёновна – сай пелаш да ава, Марий самырык театрын озанлык пӧлкажым вуйлата. Мужыр пелаш пырля илыме 28 ий жапыште вич шочшым ончен куштеныт: Эльза, Эрнест, Эсмеральда, Элеонора, Эва. Нунат моткоч усталык шӱлышан улыт. Ача- авашт дене пырля марий мер илышышкат ушнат. Кызытеш ача-авам ик уныка дене куандареныт.
Светлана Носова
Снимкыште: Александровмыт еш.
Фотом Александровмытын еш альбомышт гыч налме.
Эдуард Александров нерген ешартыш материалым «Рувики» интернет энциклопедийыште ссылке почеш ончен кертыда: https://mhr.ruwiki.ru/wiki/Александров,_Эдуард_Васильевич
