КУЛЬТУР ДА ИСКУССТВО

Кум йылме дене мура

Марий Эл Радион хит-парадше 

Йолташ-влак, тендан полшымо дене кодшо арняште мурызо-шамыч шке коклаштышт тыгайрак «тошкалтышым» чоҥеныт.

  1. Геннадий Васильев, Таисия Смирнова – «Тау тылат, авием»
  2. Николай Изергин – «Вучем вашмутым»
  3. Татьяна Соловьёва – «Шарнен илашет»
  4. Эльфис Гараев, Макс Андреев – «Така-та»
  5. Кирилл Новосёлов – «Кукнур кундемем»
  6. Алексей Милютин – «Шерге пиалем»
  7. Валентина Егорова – «Авамлан пӧлеклем»
  8. Елена Матвеева – «Эргымлан»
  9. Светлана Лобанова, Николай Казанцев – «Мӹндӹр кек»
  10. Зоя Берникова – «Аваемлан серыш»

 

Йӧратыме мурызыланда ончыл верым налашыже кузе полшышашым огыда пале гын, ушештарена: 5533 кӱчык номерыш SMS-ым колтыман. Тӱҥалтыште МАРИ мутым возыман, вара, яра верым кодыде, мурын номержым шындыман. Муро лӱмым кавычкыш налман огыл. Йӱклымаш SMS-ПОРТАЛ-ыште кая.

Кум йылме дене мура

Татар да марий эстрадын шӱдыржӧ, музыкант, композитор Эльфис Гараев

Параньга посёлкышто шочын-кушкын. Изинекак спорт да усталык шӱлышан мероприятийлаште чолгалыкым ончыктен. 9-ше класс деч вара ПТУ-то «механизатор» специальностьым налын, а вара И.С.Палантай лӱмеш тӱвыра да сымыктыш колледжыште тунемын.
Ятыр ий «Марий Эл» кугыжаныш куштышо ансамбльын оркестрыштыже тӱмырым перкален.

2015 ийыште Озаҥ олаш илаш куснен, туштак оласе тӱвыра институтын эстраде да джаз музык пӧлкаштыже шинчымашым пойдарен.

Эльфисын репертуарыштыже татар, руш да марий муро-влак улыт.

– Марий да татар тӱвыра мылам моткоч лишыл да шерге, тидым мый шке деч нигузе ойырен ом керт. Татар улам гынат, чыла калыкын тӱвыра ден йӱлажым пагалем, чыла калыкым йӧратем. А марий тӱвыра мылам поснак чот лишыл, садлан марий муро аланыш жаплан келшыше у муро-влак дене у шӱлышым пурташ тыршем. Самырык-влакланат тиде пеш келша, тидым 23 октябрьыште Йошкар-Оласе Самырык-влакын полатыштышт эртарыме концертыште сайынак шижым. Шокшын вашлиймылан чылалан кугу тау, – каласыш Эльфис Гараев. – «Така-та» муро йӧратымаш нерген. Мурылан мутым Раисия Сунгурова ден Максим Андреев возеныт, а семжым Максим Андреев дене коктын келыштаренна.

Алевтина БАЙКОВА

Фотом еш альбом гыч налме

Добавить комментарий