ОБРАЗОВАНИЙ УВЕР ЙОГЫН ШКОЛ ЙОЛГОРНО

Кугунур школышто – Патырлык урок

Марий Эл образований да науко министр Лариса Ревуцкая Оршанке районысо Кугунур школышто «Мемнан жапысе герой-влак. Алексей Панкратов» темылан Патырлык урокым эртарен.

Палена, Россий Федерацийын президентше В.Путин тений 24 мартыште Украиным демилитаризироватлыме да денацифицироватлыме шотышто военный операцийым тӱҥалме нерген увертарен. Российын историйыштыже тиде – кугу событий. Урокышто министр военный операций годым лӱддымылыкым ончыктышо да подвигым ыштыше Российын Геройжо Алексей Панкратов нерген каласкален. Рвезе Оренбург областьыште шочын, Смоленскыште Совет Ушемын маршалже А.Василевский лӱмеш военный академийын тунем пытарен, варажым Пенза областьысе ик частьыште служитлен, а военный операций годым тудо зенитный ракетный дивизионын командирже лийын.

Лариса Анатольевна тыгак землякна, старший лейтенант Алексей Гришинын подвигше нерген каласкален. Рвезын вуйлатыме зентиный ракетный взводшым вучыдымын СУ-25 штурмовик виян лӱйкалаш тӱҥалын. Лейтенант Гришин тудым ПЗРК полшымо дене «пытарен».

Урокышто тунемше-влак министрын историй, йӱла да шочмо элнан талешкыже-влак дене кылдалтше йодышыжо-шамычлан вашештеныт, шонымашышыт ойленыт. Занятийыште Оршанке муниципальный район администрацийым вуйлатыше Александр Плотниковат лийын.

                                                                                                                                        Г.Кожевникова

Опубликовать в Одноклассники

Добавить комментарий