10 апрель гыч республикысе чодыралаште пожар лӱдыкшӧ пагыт увертаралтын.
Тиде жапыште тушко мийыме годым еҥ-шамыч посна йодмашым шуктышаш улыт, ушештара Марий Элын пӱртӱс поянлык, экологий да йырым-йырысе средам аралыме министрже Алексей Киселёв.
Тыгодым теве мом ышташ чаралтеш:
- тул дене пайдаланаш да тулотым ышташ, паитлыме лампым, мангалым, жаритлыме ӱзгарым кучылташ;
- шке деч вара шӱкшакым кодаш, тудым чодыра кумдыкыш кышкаш;
- чодыра воктене кукшо шудым, оргажым, ӱйлымӧ да шӱрымӧ материалым йӱлалташ.
Нине правилым пудыртымылан административно веле огыл, тыгак уголовно мут кучаш шогалтен кертыт, палдара ведомство вуйлатыше.
Чодыраште тул ылыжмым ужмеке, вигак «Авиалесоохранын» диспетчер управленийжын региональный пунктышкыжо тыгай номер дене йыҥгыртыман: 8 (8362) 56-65-35. Але «вияш линийыш» тыгай номер дене увертараш лиеш: 8-800-100-94-00.
Л.Камалетдинова
М.Скобелевын фотожо
