Петербургысо экономике форумышто
Кугу паша вуча
Марий Эл вуйлатыше Юрий Зайцев Петербургысо XXVII тӱнямбал экономике форумышто республикнан делегацийжым вуйлата.
Форум жаплан кугу паша программым палемдыме. Икмыняр соглашений пеҥгыдемдалтшаш. Нуно промышленный производствым, электроэнергетике комплексым вияҥдыме, экономикын кӱлешан отрасльлашкыже да социальный сферыш цифран технологийым шыҥдарыме, инвестиций проектлам илышыш пуртымо дене кылдалтыныт.
Марий Эл вуйлатыше кугу федерал изданийлан интервьюм пуышаш.
Кум кече жапыште Юрий Зайцев Россий правительствын еҥже. коммерческий структур вуйлатыше-влак дене вашлийшаш. Тушто транспорт инфраструктурым уэмдыме да илыме вер ден коммунал озанлык объектлам пужен ыштыме, тыгак республикысе илемлам умбакыже газифицироватлыме йодышлам каҥашаш палемдалтеш.
Марий Эл вуйлатышын пресс-службыжын уверже негызеш Ю.ИСАКОВ ямдылен
Д.Речкинын фотожо/Марий Эл вуйлатышын пресс-службыжо
