УВЕР ЙОГЫН

Кукнур кечын – Конаковлан чапкӱ

14 сентябрьыште Шернур районысо Кукнур кундемын пайремже 26-шо гана эртаралтеш.

Культур да спорт мероприятий жапыште Кукнур волостьын кубокшо верч мини-футбол, баскетбол (ӱдырамаш да пӧръеҥ команде-влак), шахмат турнир, кирам нӧлтымаш молгунамсе семынак шуко ончышым чумырышаш. Ял-влак коклаште, 100, 200, 300, 400 метрыш эстафете лиеш.

Верысе культур пӧртым вуйлатыше А.Конаковын палемдымыж почеш, Свизын пазарыште (ожныракше Кукнур селаште Свизын пазар чот гӱжлен) шке пакчаште ончен куштымо тӱрлӧ саскам, тыгак чодыра емыжым налаш лиеш. Кукнур ял шотан илем кумдыкысо ялласе урем-влакым эн арун кучымо да сӧрастарыме шотышто конкурсым иктешлат.

  А ойыртемалтше татше теве мо дене кылдалтын. Тиде кечын драматург да мер пашаеҥ, Йошкар Пеледыш пайремлан негызым пыштыше Александр Конаковлан Кукнур школ ончылно чапкӱм почыт. Пайремым эртарыше-влак земляк да тыгак Кукнур кундемым йӧратыше-влакым уло кумылын вучат. Мини-футбол дене турнир 9 шагатланак тӱҥалеш, мероприятйым 10 шагатат 30 минутлан почыт.

С.ПЕХМЕТОВА.

Опубликовать в Одноклассники

Добавить комментарий