Тӱвыра поянлык объектлан шотлалтше Шереметьев замокым уэмден омыктымо пашам умбакыже шуят.
Марий Эл вулатыше Юрий Зайцев замокын тӱҥ оралтыжым олмыктымо шотышто проектым ямдылыше организацийын представительже-влак дене вашлийын. Тудо ушештарен: тидын дене кылдалтше йодыш Россий президент Владмир Путин дене вашлиймыж годымат тарваталтын. Шереметьев замок Юрино посёлкым чапландара да тушко турист-влакым толаш кумылаҥда. Тудым тӱвыра поянлык объект семын, поснак тудын тӱҥ оралтыжым, арален кодымо йодыш Федераций Советышыште Марий Эл Республикын кечылажым эртарыме годымат каҥашалтын.
«Замокым шотыш кондымо нерген пунчалым лукшан нерген шуко каҥашыме. Тудо мемнан республикын веле огыл, уло элнан кугешнымашыже. Тӱвыра поянлыклан шотлалтше тыгай объект-влак аралалтшашак улыт. Нуно шкенан кундемыште илыше да турист-влакын коштмо верышкышт савырнышаш улыт», – палемден Юрий Зайцев.
Марий Эл вуйлатышын пресс-службыжын уверже негызеш С.Носова ямдылен
