20-22 сентябрьыште Рязань олаште грек-рим кучедалмаш дене Российын Геройжо Олег Дуканов лӱмеш всероссийский турнир эртен. Тушко элнан 36 регионжо гыч 16 ияш марте 400 утла спортсмен чумырген.
Марий Эл гыч Спортивный кучедалмаш дене спорт школын воспитанникше-влак ты турнирыште ныл награде дене палемдалтыныт. Волжск ола гыч Дмитрий Дерябин (44 кг) ден Матвей Колениченко (52 кг) шӧртньӧ медальын озаже лийыныт. Ший медальым Егор Данилов (57 кг, Волжск) ден Юрий Ронжин (68 кг, Йошкар-Ола) налыныт.
Таҥасымаште сеҥыше-шамыч шушаш ийын Россий первенствын финалыштыже вийыштым тергат. Каласыман, Матвей Колениченко шке жапыштыже Российын первенствыштыже сеҥыше, тыгак тений Европын первенствыштыже призёрыш лекше Воронеж гыч соперникшым Россий первенствын финалыштыже сеҥен, каласеныт Марий Элын спортивный таҥасымашын федерацийыштыже
Лидия ШАБДАРОВА
Фотом Спорт в Марий Эл тӱшкан соцкыл лаштыкше гыч налме
