19 январьыште черке йӱлам кучышо-влак Вӱд модмо але Юмын кончымо кечым палемдат.
Южышт ты кечын памаш пеленысе купельыш але эҥерысе ийыште ыштыме вакыш йӱштылаш пурат.
Йошкар-Олан мэржын пашажым жаплан шуктышо Антон Трудиновын палемдымыж почеш, тений рӱдолаштына чывылалт лекташ кумылан-шамычлан тыгай иорданьым Изи Какшан эҥерысе рӱдӧ пляж кумдыкысо Вантовый кӱвар воктене келыштарат. 18 январьыште 18 шагат гыч 19 январьысе 20 шагат марте вашкеполыш ден утарыше-влакын бригадышт дежуритлаш тӱҥалыт. Вургемым вашталтен чияш да ыраш лӱмын кабинкым келыштарат.
Синоптик-влакын шижтарымышт почеш, Крешеньылан игече 20 градус марте волышаш.
Михаил Скобелевын фотожо
