КУЧЕМЫШТЕ

Корным тоштемше кӱварлан кӧра петыреныт


 

Марий Эл вуйлатышын пашажым жаплан шуктышо Юрий Зайцев машина-влаклан Волжск воктенысе корно дене кудалышташ йӧным ышташ кӱштен.

Тудо палемден: А-295 федеральный трассе участкын Йошкар-Ола – Зеленодольск кугорныжым петырыде огеш лий улмаш. Молан манаш гын, тушто 93-шо километрыште верланыше кӱвар чот тоштемын.

– Тидлан верчын аварий-влак лийын, эсогыл кӱвар шаланен кертеш, а ме тыгай марте шуктышаш огынал. Но ты корно дене еҥ-влак пашашке да паша гыч кудалыштыт. Тыге тудым петырыме нунылан йӧндымылыкым луктеш. Сандене проездым почман, – каласен Юрий Зайцев.

 Республикын транспорт да корно озанлык министрже Александр Герасименко палдарен: кызыт тоштемше кӱварым тӧрлатен кучыкташ кӱлеш оборудований-влакым кондат. Монтажым ыштыме деч вара июнь кыдал гыч автомобиль-влаклан кудалышташ корным почшаш улыт. А кугу не6лытан автомашина-влак М-7 «Волга» трассе дене эртен кертыт.

Юрий Зайцев ты пашам 15 июнь марте ыштен шукташ кӱштен.

Машина-влак Волжск ола гоч ынышт кудалышт манын, кызыт тушто Марий Элысе МВД-н ГИБДД управленийжын корно-патруль службыжо пашам виктара.

 

Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен.

 

 

Опубликовать в Одноклассники

Добавить комментарий