Таче Марий Элым вуйлатыше Юрий Зайцев республикысе выпускник-влакым школым тунем пытарымышт дене саламлен.
Тений пытартыш йыҥгыр 9 да 11-ше классым тунем пытарыше 11 тӱжем ӱдыр-рвезылан йоҥгалтын. Ты кечын регионым вуйлатыше Медведевысе 3-шо №-ан кыдалаш школын торжественный мероприятийыштыже лийын. «Пагалыме выпускникна-влак, кажныланда сайын экзаменым кучаш, ончыкыжым шинчымашдам да моштымашдам кӱлеш семын кучылташ да илышыште шке верым муаш тыланем!» — каласен Юрий Зайцев.
Саламлымаш деч вара тудо тунемме верлан компьютер техникым налаш сертификатым кучыктен.
Денис Речкинын фотожо
