Йошкар-Олаште преподобный Серафим Саровскийын военный гарнизонный храмыштыже специальный военный операцийыште участвоватлыше сарзе землякна-влаклан маскироватлыше сетьым пидаш тӱҥалмылан 23 февральыште ик ий темын.
Тиде жапыште прихожан-влак ден оласе калык 516 сетьым пидыныт. Нуным кумдыкыш савыраш гын, 9288 квадрат метр лиеш!
СВО-што участвоватлыше эргына, пелашна, ачана, кочана, иза-шольына-шамычым тушманын снарядше деч аралыше сетьым сеҥымашым лишемдаш полшышо-влак черкын административный зданийыштыже материал улмо годым кечыгут гаяк пидыт. Нуно тыгак палаткылан тентым, сеть ден карабинлан сумкам ургат. Тиде пашашке кумылан чыла еҥым ӱжыт. А эше окса надырлан моткоч куанат, тудыжо материалым наледаш кӱлеш. Шийвундым 89877288818 номеран телефон дене Наталья Николаевна П.-н картышкыже колташ лиеш. Тиде номер денак сетьым ямдылаш полшымо йодышым рашемдаш йӧн уло.
Серафим Саровскийын черкыже Дубки микрорайонышто Тыныслык уремын 21-ше А №-ан пӧртыштыжӧ верланен. Тыште мобилизаций тӱҥалме пагыт гычак вӱргече еда 18.30 шагатлан СВО-што участвоватлыше сарзе-влакын тушманым писынрак сеҥымышт да ешышкышт таза пӧртылмышт шотышто Юмылан кумалыт.
М.ИВАНОВА
Снимкыште: черетан груз ямде
Н.Пахмутован фотожо
