Марий Элыште 2028 ий марте Юл эҥерыште кок у причалым ыштен шуктышаш улыт.
Регион вуйлатыше Юрий Зайцев ден республикын транспорт да корно озанлык министрже Александр Герасименко республикыште причал инсфраструктурым вияҥдыме йодышым ончен лектыныт.
Кызыт Юрино посёлкышто да Кокшайск селаште пассажир причал-влакым чоҥымо дене кылдалтше проект документацийым ямдылыме паша кая. Тидын дене кылдалтше кок проектлан кодшо ий шыжым Федераций Советыште эртаралтше Марий Эл Республикын кечылаж годым федерал полышым пуаш сӧреныт. Юриныште причалым 2025-2027, а Кокшайскыште 2026-2028 ийлаште чоҥаш палемдыме. Тиде пашам 2025-20230 ийлаште Марий Эл Республикын социально-экономический виянмаш индивидуальный программыж дене келшышыш шуктат.
Ушештарен кодыман, 2023 ий ноябрьыште Козьмодемьянскыште у причалым пашаш колтеныт. Тенийысе навигаций пагытын лектышыже чотак куандарен. Чылаже 286 рейс ышталтын, 57,2 тӱжем турист толын каен. Марий Эл вуйлатыше палемден: причал-влакым да туристым вераҥдыме оралтылам чоҥымаш дене кылдалтше илышыш шыҥдарыме кугу инвестиций проект-влак мыланна туризм пашам вияҥден колташ полшышаш улыт.
Снимкыште:Юрино посёлкышто.
Марий Эл вуйлптышын пресс-службыжын уверже негызеш Светлана Носова ямдылен.
