Марий Чодра» национальный парк ден Экологий иницитиве регион-влак кокласе фонд #СохранимДубПугачёва акцийым увертарен.
Тудо Ваштар курыкышто кушшо ойыртемалтше ик пушеҥгым веле огыл, тӱрыс тумержымак шымлыме да арален кодымо паша дене кылдалтын. Палемдыме почеш, ты пашаш уиларак самырык-влакым ушат да Пугачёвын тумыжо дене кылдлтше сувенир сату линейкым ыштат.
Пугачёвын тумыжо шукертсек турист-влакын лумын ончалаш коштмо объектыш савырнен. Историйже тошто. Преданий почеш Емельян Пугачев 1774 ийыште Озаҥым йӱлатыме деч вара лач тыште канаш шогалын. 1974 ийыште тумо воктеке тиде исторический фактым шарныкыште кӱм пыштыме.
С.Носова
