Козьмодемьянск Российысе лу эн весела ола-влак радамыш логалын.
«Вокруг света» интернет-савыктыш элнан олаже-влакын символический рейтингыштым ыштен. Тиде спискыш Моско ден Санкт-Петербургым веле пуртен огытыл. Кажныже шкенжын ямже дене ойыртемалтеш. Эн весела олалан Волгоград областьысе Камышин олам шотленыт. Мо дене ойыртемалтеш? Тушто Арбуз фестивальым кумдан эртарат. Кеҥеж мучаште – шыже тӱҥалтыште тушто илыше-влак, арбуз сынан костюмым чиен, карнавалыш погынат.
Эн весела ола-влак радамыште тыгак Краснодар, Ростов-на-Дону, Владивосток, Чебоксар, Тула улыт.
Фотом Козьмодемьянск ола администрацийын воткыл лаштыкше гыч налме
