Йошкар-Оласе типографийын цехыштыже избирательный бюллетень-влакым кок йылме дене: рушла да марла (олыкмарла, курыкмарла) – печатьыш колтеныт. Чылаже 528 тӱжем бюллетеньым ямдылаш палемдалтеш.
Бюллетеньын формыжо стандартный, тыгодым икмыняр тӱрлӧ аралтыш уло. Нунын коклаште иктыже – «Гознакыште» ыштыме посна марке.
Бюллетень-влакым кузе печатлымым Марий Эл Избиркомын еҥже-влак эскерат.
Л.Камалетдинова
