Йошкар-Олаште илыше 5 ияш Настя Астраханцева тений «Курымашлык полк» акцийыш ачаж дене пырля икымше гана ушнен.
Ӱдырлан ачаж ден аваже Сеҥымаш кече вашеш лӱмынак тувырым ургыктеныт, пилоткым налыныт.
Настя акцийыште Советский кундемыште шочын-кушшо, Кугу Отечественный сарыште фашизм ваштареш лӱддымын кредалше кугезе кочажын портретшым кучен ошкылын.
Патриот шӱлышан изи ӱдырым ончен, кугыеҥ-шамычынат шӱм-чоныштышт Россий, элнан Вооружённый вийже да лӱддымӧ салтакше-влак верч кугешныме кумыл утыр вияҥеш.
М.ИВАНОВА
Авторын фотожо
