Шернур район Купсола ялыште Йыван Кырла лӱмеш тоштер-пӧртым ыштыме нерген газетышкына возенна ыле. Кызыт организатор-влак, коҥгам ышташ манын, калык деке йодмаш дене лектыныт.
Коҥгажлан XX курымысо юшко, юшко омса, саслоҥга (коҥга петыртыш), тӱкылтыш (задвижке), плита да решотко, олтымо, шийше (подувалылык) омса-влак кӱлыт. Тошто укват але тулвондо, совокланат куанат. Лекше йодыш дене +79817900011 телефон номерыш йыҥгырташ лиеш.
«Кырланур – луй модмо вер» воткыл лаштык гыч налме фото.
