Январь мучаште Киров кундем Яраҥ районысо калык усталык пӧртыштӧ регион-влак кокласе «Марий сем» VII фольклор фестиваль эртен.
Мероприятий Россий калык-влакын икоян улмо идалыклан пӧлеклалтын. Фестивальыш тӱрлӧ кидмастар, мурызо-влак чумыргеныт. «Марий кидпаша» ончерыште кидмастар-шамычын пашаштым ужаш лийын. «Марий кочкыш» ончерыште шке кӱэштме киндын, когыльын, коштымо шудын тамле пушышт шӱвылвӱдым луктыныт.
«Марий сем» концерт программе моткоч поян лийын. Сценыште мастарлыкым Йошкар-Оласе, Киров областьысе Пыжанью, Кикнур, Яраҥ районысо ансамбль-влак ончыктеныт.
📸Фотом Никулят селасе тӱвыра пӧртын воткыл лаштыкше гыч налме.
