ЙӰЛА

Кечышот ден калык пале: 27 май-2 июнь

Марий кумалтышын чинче тушыжо:
Кочмо деч ончыч чоклымаш:
«Поро Ош Кугу Юмо, пеш кугу тау, кочкышым пуэт. Ӱстембалне кочмо кочкышнам перканым ыште».
Кочмо деч вара чоклымаш:
«Поро Ош Кугу Юмо, мемнам пукшыметлан пеш кугу тау. Кочна, йӱна, ончыкыжат кочкышнам перканым ыште».
ЭрВел Семонын (Новиковын) «Сандалык – Ош Кугу Юмо» книгаж гыч налме.
Черке йӱла почеш:
28 май – Угличысе да Москвасе благоверный царевич Димитрийын кечыже.
31 май – Тӱнямбал шым Погынышто лийше святой ача-влакым шарнымаш.
1 июнь – Благоверный князь Димитрий Донскойын кечыже.
2 июнь – Москвасе святитель Алексийын кечыже.
Кочкаш шичме деч ончычсо молитва:
«Пылпомышто улшо мемнан Ачана! Тыйын лӱмет дене мокталтше, Тыйын Кугыжанышет толжо, Тыйын эрыкет мланде ӱмбалнат пылпомышысо гаяк лийже. Мемнан илышышыш киндым, тачылыкым, мыланна пу; кудалте мемнан языкна-шамычнам, весе-шамычын мыланна ыштыме языкыштым кудалтымына гаяк; языкышке мемнам ит пурто, осал дечын мемнам утаре».
«Марла молитва-влак» книга гыч налме.2005 ий
Калык пале:
Куку мураш тӱҥалеш – шокшо игече толеш.
Шӧршудо вараш кодын пеледеш – кеҥеж кукшо лиеш.
Йодшо еҥлан отказыман огыл – пиал туп дене савырнен кертеш.
Сай лектышым налнет гын, пакчасаскам у тылзын шындыман.
Еҥын солыкшо дене ӱштылалташ огеш кӱл, уке гын весын йоҥылышыжлан мутым кучаш логалеш.
Шарнаш кодшо ой:
Манеш-манешлан ӱшанет гын, вуешет упшым ит шынде, шовычым ит пид.
Пӧръеҥын ласкалыкше – ӱдырамашын шӱмыштӧ.
Мераҥ кыша дене маска вынемыш шуаш лиеш.
Вӱма пашаште кылымде ок воло.
Кумыл лиеш гын, кид-йол толеш.
Фен-шуй почеш:
Сурт ма пачер омса гоч тендан илышыш энергий пура. Сандене тиде верым сылным, кумылым налшым ышташ тыршыман. Мотор кушкылым, сӧрастарышым вераҥдаш кӱлеш, тек тендан деке толшо ешдан энергетикыжым шижеш. Садыже уэмдалт шогыжо манын, ты кумдыкым эреак тӱзатыман.
С.Носова ямдылен
Снимкыште: Йошкар-Оласе индешымше микроорайонышто Христосын ылыжмыжлан черке.
Авторын фотожо

Опубликовать в Одноклассники

Добавить комментарий