Марий йӱла почеш:
Шыже кумалтыш радам:
3 ноябрь – У Торъял район Токтарсола Саваран отышто Тӱня кумалтыш, Советский район Кундышӱмбалне шыже кумалтыш, Марий Турек район Арбор кундемыште кумалтыш;
4 ноябрь – Шернур район Аҥанурышто кумалтыш;
10 ноябрь – Марий Турек район Арып Мурзаште кумалтыш.
Марий кумалтышын чинче тушыжо:
« О, Поро Ош Кугу Юмо! Поро нур, чодыра, вӱд перкем пуэн шогыметлан кугу таум каласена, ончыкыжымат нур перкем, чодыра перкем, вӱд перкем йодына. Шыже кечын кугыжаныш пазарыш каен, кинде возымат луктын шогалтен, мӱй вокчымат луктын шынден, кайыквусо шылетым луктын оптен, вольык коваштетым луктын пыштен пытарымеке, кумалмаш пиал дене мыланнат, сатум налышланат пайдам пӱрыза»!
«О, Сурт Юмо, Сурт Пӱрышӧ… Вольык перкем, кинде перкем, мӱкш перкем йодына. Ӱлыл тӱтырам кӱшкӧ кӱзыктен, мӱндыр тӱтырам лишке конден, кум тӱтыра коклаште улшо кӱрылтдымӧ шӱм погылан, уш погылан, айдеме погылан кужу илышым, кугу вийым пӱрен шогаш йодына».
«Кумалтыш мут» брошюр гыч налме, 2018 ий.
Черке йӱла почеш:
22 октябрь – Апостол Иаков Алфеевын кечыже.
23 октябрь – Оптинысе преподобный Амвросийын кечыже.
26 октябрь – Юмын Аван Иверский юмоҥажын кечыже.
Святой Николай Чудотворецлан молитва:
«О, пеш Святой Николай, Юмылан чот йєршӧ, мемнан шокшо аралтышна да чыла ойгышто вашке полшышына! Мылам, сулыканлан да тиде илышыште шӱлыканлан, полшо, мыйын чыла сулыкем, кудым самырыкем годым, уло курымем мучко паша дене, шомак дене, уш дене да чыла шижмашем дене ыштенам, проститлаш Господь Юмым сӧрвале да мыланем, эн сулыканлан, чонем лекме годым полшо; Господь Юмым, чыла чонаным ыштышым, мыйым южысо мытарстве да курымаш йӧсланымаш деч утараш сӧрвале да эреак Ачам, Эргым да Святой Шӱлышым, да мыйым чаманыше аралтышемым моктем, кызытат, керек- кунамат, курым-курым мучкак. Аминь».
«Марла молитва-влак книга гыч налме.
Шарнаш кодшо ой:
Тагат тӱкан, да ӱшкыжым ок шого.
Уда мланде уке, уда оза уло.
Чодыраште йылме шагал кутыра.
Чомаже кочмо годым аваже игыжым нуленат темеш.
Окса сокырым ышта.
Ойгырен, ойгылан полшаш ок лий.
Шулдо сату шергеш возеш.
Ешартыш шинчымаш шинчам ок шӱтӧ.
А.Е.Китиковын «Калыкмут» книгаж гыч налме.
Ӱмырым илен эртарышын каҥашыже:
«Южо иктыжлан гына мом шонымет нерген ойлаш лиеш, а молыштлан ене мом ойлаш лиеш, шоналтыман».
«Нигунам тушманда аҥырарак, а йолташда-влак эн ӱшанле улыт манын ида шоно».
Светлана Носова ямдылен
Снимкыште: Йошкар-Оласе «Марий паркыште» шинчын каналташ келыштарыме шкешотан пӱкенжат марий тамган.
Авторын фотожо.
