25 январь – Тичмаш тылзе
28 январь – Тӱрек пазар (Марий Турек район)
Мари кумалтышын чинче тушыжо:
Кочкын теммеке, Юмылан тауштен пелештымаш:
«Юмын пӱрымӧ кочкышым кочкын улына, йӱын улына, Юмылан, Пӱрышылан тау! Ала Юмын пӱрымӧ деч коч, толашен, утым кочкынам, ала пудыртылынам. Юмо пӱрышӧ, турко, сулыкеш ит кодо. Кочкышна капкыллан шотлан толшо лийже, сай таза лияш полшен шогыжо!»
«Марий калык йӱла» книга гыч налме. 2008 ий.
Черке йӱла почеш:
22 январь – Святитель Филиппын, Москвасе митрополитын, кечыже.
23 январь – Вышенскысе святитель Феофан Затворникын кечыже.
24 январь – Преподобный Феодосий Великийын кечыже.
25январь – Святой орланыше Татианан кечыже. Сербийысе святитель Савван кечыже.
27 январь – Апостол-влак дене тӧр улшо Нинан, Грузийым сотемдарышын, кечыже.
Кугу орланыше Пантелеймонлан молитва:
«О, Христослан пеш кугун йӧршӧ, индырымашым чытыше да пеш чаманыше эмлызе Пателеймон! Чамане мыйым, сулыкан кулым, мыйын сӧрвалымем да ом керт манмем кол, каплан да чонлан Пылпомышысо, кӱшнысӧ Врачым, мемнан Христос Юмынам, поремде, да мыйым йӧсландарыше чер деч тек пареммашым пуа. Еҥ-влак кокласе эн сулыкан деч кумалмем нал. Мый декем поро пӱрымашет дене тол. Сулыкан лӱмӧ-влак деч ит йырне, шке порылыкетын елейже дене нуным шӱрӧ да паремде; вара, капем да чонем дене таза лийын, кодшо кечылаштем Юмын порылыкшо дене языкем касарен да Юмылан йӧршын илем ыле, да илышем поро мучашан лиеш ыле. Чынжымак, Юмылан йӧршӧ! Христос Юмым сӧрвале, да тыйын сӧрвалымет дене капкылемлан ласкалыкым да чонемлан утаралтмашым пуа. Аминь!»
«Марла молитва-влак» книга гыч налме. 2005 ий.
Калык пале:
Телым тавыште вӱд шуко – шошым лум вӱд шуко лиеш.
Киндым пыштымеке, тудо коҥгаште покшелныже сайын оварга гын, илыш саемеш манын ойленыт. Кинде шелеш – тургыжланаш амал лектеш.
Пырыс коҥгамбаке кӱза – йӱштӧ толшашлан.
Пий туртын возеш – йӱштылан, шуйнен – левылан.
28 январьым телын тодылалтме кечыжлан шотленыт.
Шарнаш кодшо ой:
Пӱртӱсым ӱжара сӧрастара, арулык еҥым палдырта.
Пӱгымат лийме наре веле тӱҥдат.
Поро улмылан осал еҥ ок ӱшане.
Паша айдемым паремда.
Окмакышт огыт лий гын, ушанышт огыт кой ыле.
Мом палымет шуэш, тудым шке кид дене ыштен ончыман.
А.Е.Китиковын «Калыкмут» книгаж гыч налме.
С.Носова ямдылен
Авторын фотожо
