Кодшо кечылаште Марий самырык театрын артистше-влак Москошто «Обломов. Теперь или никогда!» спектакльым модын ончыктеныт. Зал тич погынышо калык нуным моткоч шокшын вашлийын да тӱҥ рольым модшо Александр Кожевниковын образым келгын чоҥымыжым, рольым мастарын модмыжым поснак палемден. Спектакль деч вара туныктышо да тунемше-шамыч деч мемнан артист-влаклан тыгай комментарий толын: Ме икшыве-влак дене мутланен келшенна, нуно «Обломов» произведенийым лудаш кумылаҥыныт. Садлан мемнан девизна тыгай: «Теперь сто процентов или никогда!».
Актёр, Самырык-влаклан Олык Ипай лӱмеш кугыжаныш премийын лауреатше Александр КОЖЕВНИКОВЫМ моло спектакльыштат ончышо-влак шокшын вашлийыт.
Физик-математик лиймыже шуын огыл
Саша — У Торъял районысо Тошто Торъял ял гыч. Изинек тудо чолга да чулым йоча кушкын. Ялысе икшыве-влак дене погынен, коремыште пушеҥгыш штабым ыштен, шылын але лаптала, футболла модыныт, йӱштылаш куржталыныт. Рвезе школыштат сайын тунемын, поснак математике урокым йӧратымыжым ачажат шижын шуктен, сандене физике да математике направлений дене вузыш тунемаш колтынеже улмаш.
Умбакыже материалым «Марий Эл» газетыште лудаш темлена
А.БАЙКОВА
