Марий Элын калык писательже Зинаида Каткован шочмыжлан тений 7 октябрьыште 100 ий темеш. Чапле лӱмгече вашеш «Россий писатель ушем» организацийын регионысо пӧлкаже, Марий Элын тӱвыра, печать да калык-влакын пашашт шотышто министерстве, «Марий книга издательстве» савыктыш пӧрт» ГУКП да поро кумылым ончыктышо «Ший памаш» фонд (вуйлатыше – прозаик Василий Краснов) самырык-влак коклаште «Сылнымут алмаштыш» XII республиканский литератур конкурсым увертареныт. Тушко марла да рушла возышо тунемше да студент-влакым ушнаш ӱжыт. Усталык пашадам (ойлымашым, зарисовкым, йомакым, почеламутым да молымат) 12 апрель марте keche1@mail.ru электрон почтыш колтыман але Писатель ушемыш конден кодыман.
Л.СЕМЕНОВА
