«Шаблий» киностудийын «Марийские сказки» киноальманахше вашке прокатыш лектеш.
Шукерте огыл тудлан режиссёр Денис Шаблий национальный фильм улмыжым пеҥгыдемдыше удостоверенийым налын. Прокатыш лекмекше, фильмым Пушкинский карт денат ончаш лиеш.
Режиссёрын «Где у Волги середина» кинофильмын премьерже кодшо каныш кечылаште Звенигово олаште ончыкталтын. 28 мартыште фильмым Йошкар-Олаште ончаш йӧн лиеш. Тидын нерген тудо шкенжын воткыл лаштыкыштыже увертарен.
Светлана Носова
Снимкыште: фильмын постерже.
Фотом Денис Шаблийын воткыл лаштыкше гыч налме.
