🚎🚌💸1 мартыште Йошкар-Оласе общественный транспортышто кудалыштмылан ак кӱза.
💳Марий Эл правительстве пассажир ден багажым шупшыкташ у тарифым пеҥгыдемден. Тыге шошын икымше кечыж гыч ик гана кудалмылан банк карт дене 42 теҥгем, а кагаз окса дене 43 теҥгем тӱлыман.
Проездной билетынат акше вашталтеш: ик транспортышто ик тылзе кудалыштмылан (автобус але троллейбус дене ) тылзылан 2150 теҥгем тӱлыман, автобус ден троллейбус дене кудалыштмылан 3200 теҥгем луктын пыштыман.
