«Самырык туныктышо-2026» рӱдоласе конкурсышто Йошкар-Оласе А.С.Пушкин лӱмеш 4-ше №-ан гимназийын педагогшо Татьяна Ефимова сеҥен.
Тений профессионал мастарлык таҥасымаште 7 туныктышо моштымашым ончыктен. Нуно школышто вич ий деч шагал пашам ыштат, ийготышт – 30 ияш марте.
Конкурсант-влак «Медиавизитке», «Урок», «Класс шагат» заданйиым шуктеныт.
Лаурет семын Кристина Иванова (31-ше №-ан школ) ден Мария Скулкина (15-ше №-ан школ) палемдалтыныт.
Г.Кожевникова
Иван Речкинын фотожо
