Йошкар-Олаште ава-влак бизнесын негызшылан «Ава – предприниматель» проект дене келшышын, яра тунем кертыт.
Тиде – федеральный образовательный проект. Ӱдырамаш-влак ты курсым оксам тӱлыде эртен веле огыл, эше 100 тӱжем теҥге грантым налын кертыт. Тидыже «В ответе за будущее» поро кумылым ончыктымо ик фонд полшымо дене шке бизнесым тӱҥалаш йӧным пуа.
Курсышто йоча дене декрет отпускышто улшо, ийготыш шудымо икшыве-влакын авашт да пашам ситарыме шотышто службышто учетышто шогышо ӱдырамаш-влак тунем кертыт.
Курс 20 гыч 24 сентябрь марте эрта. Тушко ушнаш йодмашым Предпринимательствылан полышым пуышо рӱдер гоч, тыгак mama-predprinimatel.ru сайтыште пуаш лиеш.
Ӱмаште тиде проектым Российысе 20 регионышто илышыш шыҥдарыме. Тений 50 кундемым авалташ палемдалтеш. Тидым ышташ илышак йодеш. Шымлымаш ончыктен: Российыште 35 % ӱдырамаш шке бизнесшым почаш шона.
Л.Камалетдинова.
