УВЕР ЙОГЫН

У пособийлан – у йодмаш

Тений 1 май гыч 8-17 ияш йочан еш-влак у пособийлан йодмашым пуаш тӱҥалыныт.

Марий Элыште эртыше кок тылзыште тыгай выплатым 22249 йоча шотышто 15529 ешлан палемдыме.

Еш-шамыч регионыштына илен лекташ кӱлмӧ окса кугыт деч 50 (6292,5 теҥге), 75 (9438,75 теҥге) процент ужашым але тудым тичмашнек (12585 теҥге) налыт.

Пособийын кугытшо ешын доходшо дене кылдалтын. Марий Элыште тудо ик еҥлан шотлымаште 12250 теҥге деч кугу лийшаш огыл.

Доход нерген увер пытартыш 12 тылзылан налалтеш, но тидым йодмашым пуымо кече деч 4 тылзе ончычсо жап гыч шотлаш тӱҥалыт.

Ешын погыжо йодмашым пуымо кечын аклалтеш. Тыгодым кусараш лийме да кусараш лийдыме пого, ты шотыштак ипотеке дене налме, пӧлеклыме але наследстве дене куснышо пачер ден пӧрт-влак, шотыш налалтыт.  

Выплатылан правам палемдыме годым ешын роскотшо шотыш огеш налалт.

Йодмашым 2022 ий 1 октябрь марте пуымо гын, выплате 2022 ий 1 апрель гыч ойыралтеш.

М.ИВАНОВА
Фотом Интернет гыч налме

Опубликовать в Одноклассники

Добавить комментарий