Тений 2 июль гыч 30 сентябрь марте, кечым коден, Йошкар-Ола гыч Шем теҥыз серыш, Адлер олаш, поезд кошташ тӱҥалеш.
Икымше пассажир-влак тушко пересадке деч посна каен кертыт. Курорт марте эртымыж годым тудо Туапсе, Ростов-на-Дону, Пенза, Саранск да моло олаште шогалеш.
Адлер марте поезд кок сутка кудалеш. Горький кӱрньыгорнын – «РЖД» ОАО-н филиалжын – пресс-службыжын увертарымыж почеш, поездыште купе вагон-влак веле огыл, плацаркатат лийыт. Пассажир-шамычлан кондиционер системе да моло кӱлешан комплекс пашам ышташ тӱҥалыт.
Поездын кудалыштме графикше нерген кумданрак «РЖД» ОАО-н официальный сайтыштыже, «РЖД ПАССАЖИРАМ» мобильный приложенийыште, тыгак кассылаште пален налаш лиеш.
Г.Кожевникова
