Тиде шуматкечын, 25 июльышто, уэш «Йошка хорышто» мураш тӱҥалына!
«Марий кеҥеж» проект рӱдолаште илыше ден уна-шамычым семлан пӧлеклалтше кас-влак дене куандара. 25 июльышто 18 шагатлан Благовещений башне воктене уэш кава йымалсе хор лиеш.
Программыште «Звери» группын «Районы-кварталы» мурыжо, «Мираж» группын «Музыка нас связала» хитше да молат. Лӱмын ӱжмӧ уна-влак «Ретро» калык вокал студий ден «Биг мама» кавер-группо лийыт.
Муро текстым волонтёр-влак площадкыштак пуэдат. Уло еш дене толза, йолташ ден пошкудо-влакым ӱжса.
