Чодыралан поян кундемыште илена да еҥ-шамыч тушко емыж-саскам, поҥгым погаш кошташ чотак йӧратат. Тыгодым кожлаште йомшо-шамычат шагалын огытыл. Тидым шотыш налын, «Стрелка – чодыра гыч лекмаш» проектын организаторжо-шамыч Марий Элысе волонтёр-влак дене пырля чодыраште пушеҥгылашке указатель сынан умдым (стрелкым) пижыктылыт.
Мутлан, август кыдал марте 120 лийын гын, шукерте огыл Пембе ден Сурок поселкыла кумдыкысо кожлаште нуно эше 29 указательым вераҥденыт.
Тиде моткочак кӱлешан пашашке Марий Эл деч посна тыгак Татарстан гыч кумылан-влак ушненыт. Шукерте огыл чылаже 12 машина дене 28 еҥ умдым пижыктылыныт.
Ӱшанен кодена: тылеч вара еҥ-шамыч шагалрак йомаш тӱҥалыт.
Л.Камалетдинова
