Тиде кеҥежым элна мучко «Образований» национальный проектын «Каникулярный профориентаций школ-влак» Россий проектше кышкарыште йоча-влаклан профориентаций смене-влак пашам ыштеныт. Марий Элыште ты сомылым Йоча да самырык-влакын полатышт эртарен.
Тудын пашаеҥже-влак «Медиакоммуникаций» направлений дене тыршеныт, чумыр налмаште 300 тунемшылан ешартыш шинчымашым пуэныт. Йоча-влак журналистике, СМИ, медиа-маркетинг (журналист, оператор, SMM-менеджер) сферыш пурышо тӱҥ профессийла дене палыме лийыныт. Тыгак нунылан Марий кугыжаныш университетын, «Марий Эл Телерадио» да «Марий Эл» ГТРК-ан пашаеҥже-шамыч дене вашлиймашым эртарыме.
Г.Кожевникова
Фотом Марий Эл Образований да науко министерстве гыч налме
