СПОРТ

Йолташ-влак, патыр да чытышан лийза!

31 март гыч 2 апрель марте Медведево район «Витязь» ФОК-ышто бокс дене турнир эртен. Тудо Россий Федерацийын Вооружённый Вийжын Украиныште спецоперацийым эртарымыжлан пӧлеклалтын.
Ты турнирыште шкем тергаш Татарстан, Чуваш Республик, Нижегородский, Кострома, Киров областьла гыч 7-16 ияш 200 утла спортсмен чумырген.
Таҥасымашым Марий Эл правительстве председательын алмаштышыже С.Воронцов почын. Тудо военнослужащий-влакын Украиныште кӱлешан порысым шуктымышт нерген шарныктен.
– Бокс дене ты турнирым РФ президент В.Путинын, Верховный главнокомандующийжын, задачыжым шуктышо Обороно министерствын военнослужащийже-шамычым, Россгвардийым поддержатлыме семын эртарена, – ойлен Степан Воронцов.
Правительстве председательын алмаштышыже Марий Эл гыч Украиныште военный действийыште лийше-шамычын подвигышт нерген класкален, Российысе военный-шамыч коклаште мемнан земляк-герой-влакат улыт.
Мутлан, Украиныште эртыше спецоперацийыште мемнан землякна Юрино посёлко гыч капитан Юрий Овсянников ойыртемалтын. Тудын танковый ротыжо боевой задачым шуктен, населённый пункт-влак кокла гыч иктыжым украин националист-шамыч деч утарымаште лийын. Командир мо ышталтмым да противник-влакын вийыштым шотыш налын, вигак решенийым приниматлен. Националист-шамычын рубежыштым кӱрлмӧ деч вара Овсянниковын экипажше тушманын лу наре БМП-ым, вич танкым, кум кугу калибран пулемётым да кумло наре националистым пытарен. Россий Миноборонын увертарымыж почеш, тудлан кугыжаныш наградым пуаш пунчалыныт.
Степан Воронцов военнослужащий-шамычын ончыланышт шындыме задачым шуктымаште патырлыкым ончыктымышт нерген ойлен.
– Самырык тукымым тыгай герой-шамычын примерышт негызеш воспитыватлыман. Спортсмен-влаклан бойышто чытымаш ден патырлыкым ончыкташ тыланем», – ойлен С.Воронцов.
Марий Эл правительстве председательын алмаштышыже боксёр Николай Рыбаковлан спорт мастерыш кандидатын значокшо ден удостоверенийжым кучыктен. «Примерым налза. Йолташ-влак, тиде спортсмен гай лийза», – мане Степан Воронцов.
Турнирыште сеҥыше-влаклан Чап грамот ден кубокым кучыктеныт.
Марий Эл Республик вуйлатышын организаций да аналитике виктемын уверже негызеш Е.Эшкинина ямдылен.

Опубликовать в Одноклассники

Добавить комментарий