1 апрельыште Марий Эл Республикын заслуженный тренерже М.И.Осипов ӱмыр лугыч лийын.
Михаил Иванович пӱтынь илышыжым, манаш лиеш, физический культур ден спортлан пєлеклен. Ятыр ий Н.Крупская лӱмеш МГПИ-н физический культур факультетыште туныктен, куштылго атлетике дене олимпийский резерв училищыште пашам ыштен.
Тренер пашам шуктымо, туныктымо жапыштыже Россий кӱкшытан таҥасымашын сеҥышыж ден шуко призёржым куштен, физический культур да спорт аланыште тыршыше икмыняр тукым специалистым ямдылен, Марий Элыште куштылго атлетикым вияҥдымашке кугу надырым пыштен.
Михаил Иванович Осиповын ӱмыр лугыч лиймыжлан кєра пашам пырля ыштыше коллегыже, йолташыже-влак, лишыл еҥжылан, ешыжлан кугу чаманымашым каласат.
Е.Эшкинина
