31 июль марте «Евразийын йӱкшӧ» усталык лабораторийыш ушнаш шонышо-влак деч йодмашым вучат.
Тушко Российысе калык-влакын традиционный тӱвыражлан эҥертен, але кызытсе жаплан келшыше этнический жанр дене йоҥгалтарыше посна мурызо але музыкальный коллектив (вич еҥ марте) ушнен кертыт. Нуно 18 гыч 50 ияш марте лийшаш улыт. Конкурсыш пуымо мурым шекат возаш лиеш. Российысе калык-влакын традиционный мурыштлан аранжировкым ыштыман да рушла але вес калыкын йылмышт дене йоҥгалтарыман.
Проектыш ушнаш оксам тӱлыман огыл. Финалыш лекше-шамычлан корнылан да илыме верлан организатор-влак тӱлат. Гала-концерт 5 сентябрьыште Москосо «МУЗЕОН» паркыште лиеш.
Снимкыште: проектын участникше-влак кодшо ийын Йошкар-Олаште эртыше концерт годым.
Светлана Носован фотожо.
