Военнослужащий-влакын йочаштлан тылзе еда тӱлымӧ пособийым 5,6 процентлан кугемдыме.
Шочмо элым аралыше-влак ден нунын ешыштлан полыш кугыжанышын ик эн ончыч шукташ палемдыме задачыжлан шотлалтеш. Тидымак шотыш налын, военный службыш призыв почеш налме военнослужащий-шамычын йочаштлан да военный образовательный организацийын икымше курсыштыжо тунемше-влаклан тылзе еда тӱлымӧ выплатым 19308 теҥге марте кугемдыме.
Тудым налын кертыт:
- ава;
- опекун;
- йочам ончышо родо;
- курсант.
Пособийым чылалан икгайым палемдат да кажне ийын индексироватлат.
Выплатым ачан военный службышто улмыж годым 3 ияш марте ийготан йочажлан ыштат.
Пособийлан йодмашым пуымо радамым цифровизаций палынак простаҥден. Тидым ышташ лиеш:
- Кугыжаныш услуго портал гоч онлайн-режимыште (cc/cD2w7w);
- РФ Социальный фондын Марий Элысе пӧлкажын клиент службыштыжо;
- шуко функциян рӱдерыште (МФЦ).
Полыш мерым ыштыме жап да процедур нерген радамынрак Россий Социальный фондын сайтыштыже (vk.cc/cUhj4d) пален налаш лиеш.
Маргарита ИВАНОВА.
Авторын фотожо.
