Шернур район Кукнур кундемыште верланыше марий Йӱштӧ Кугызан илемышкыж еРоссий Федерацийын сенаторжо Сергей Мартынов Марий Эл Кугыжаныш Погын депутат Владимир Кожанов да Шернур район адмнистраций вуйлатыше Александр Кугергин дене пырля миен коштын.
Сенатор тушко икымше гана огыл миен. Йӱштӧ Кугызан резиденцийже тудым тӱзатыше командын тыршымыже, районысо да республикеысе кучем-влакын полшымышт дене турист-влакын ик эн йӧратыме верышкышт савырна. Эсогыл Российын ӧрдыж регионлаж гычат лӱмын толыт. Мутлан, эртыше сезонышто гына тыште 5 тӱжем наре еҥ лийын.
Кажне толшыжын сай шарнымаш кодшо манын, канаш условийым эре саемден толыт: скважинымат проленыт, электротулым шупшыныт, пеҥгыде шартышан корным ыштеныт. А шукерте огыл Йӱштӧ Кугызалан у йомак пӧртым нӧлташ тӱҥалыныт. Тудо кызытсе деч кугурак да кок пачашан лиеш. Регион вуйлатыше Юрий Зайцеват тидым сай ошкыл семын палемден. А.Кугергинын ойлымыж почеш, вес У ийлан Йӱштӧ Кугыза уна-влакым у пӧртыштӧ вашлийшаш.
С. Носова
Снимкыште: РФ сенатор С. Мартыновын толмыж годым.
Фотом сокыл лаштык гыч налме.
