Республикыштына «Ял шотан кумдыкышто верланыше эн сай тӱвыра учреждений» конкурс иктешлалтын.
Тудым Марий Элын Тӱвыра, савыктыш да калык-влакын пашашт шотышто министерствыже эртарен. Идалык мучко шуктымо пашам иктешлымеке, ик сеҥышыжлан Шернур район Кукнур кундемыште верланыше Йӱштӧ Кугызан илемжым шотленыт. Тудым Анатолий Филиппович Конаков вуйлата.
Снимкыште: Йӱтшӧ Кугызан илемыштыже.
Фотом Шернур районысо тӱвыра пӧлкан воткыл лаштыкше гыч налме.
