Марий Йӱштӧ Кугызалан У ий вашеш серышым возаш лиеш.
Великий Устюгышто илыше руш Йӱштӧ Кугызалан У ий вашеш моткоч шуко серыш пура, вет тудын резиденцийжат ик вере веле огыл. Российын регионлаштыже илыше моло калыкын Йӱштӧ Кугызаштланат икшыве-влак серышым возгалат. Тыгак ынде пайрем кумылым марий икшыве-шамычат нӧлталын кертыт: марий Йӱштӧ Кугызаланат серышым але открыткым колташ йӧн уло. Конверт ӱмбаке тыгай адресым ончыктыман: Марий Эл, Шернур район, Кукнур села. Индексше: 425467.
С.Носова
