Марий Элын Пӱртӱс поянлык, экологий да йырым-йырысе средам аралыме шотышто министерствыште «У ий» кож-влакым аралыме дене кылдалтше тургым пагытым иктешленыт.
Тиде пагытыште кугыжаныш инспектор-влак изи кож-влакым закондымын руымаш ынже лий манын, чылаже 661 гана рейдыш лектеденыт. Тидын годымак нуно калыкыште умылтарымаш пашам эртареныт. А закондымын руымо фактше икте гына лийын. Пӱнчым руымылан титакан еҥым мут кучаш шогалташ манын, материалым правам аралыше органыш колтеныт.
У ий вашеш министерствын да Йошкар-Оласе округ администрацийын специалистше-влак пырля пайремлан кожым ужалыме пазарламат тергеныт. Рашемын: ужалаш лукмо кушкылым закон дене келшышын ямдылыме лийын. Туге гынат нуным ужалыше-влак шотышто 4 протоколым ышташышт логалын.
Светлана Носова
Фотом министерствын воткыл лаштыкше гыч налме.
