Банк, ончылгоч мутланен келшыде, процент ставкым иземден кертеш мо?
Н.Полатов.
Советский посёлко.
Йодышлан Медведево районысо прокурорын полышкалышыже С.Захарова вашештен:
– РФ Граждан кодексын 450-ше статьяж дене келшышын, ойпидышым кок велжынат икойыш шумекыже гына вашталташ лиеш. Ты кодексынак 310-шо статяштыже ончыкталтын, ик велжын обязательствым шукташ тореш лиймаш але ик вел гыч условийым вашталтымаш лийын огеш керт. Сандене закон почеш банк шке гыч кредит почеш процент ставкым вашталтен огеш керт.
Но кредитым налме годым гражданин ойпидышым сайын лудшаш, молан манаш гын тушто процент ставкым кугемден кертме нерген условийым пуртен кертыт. Тыгай ойпидышыш кидпалым пыштеда гын, тугеже те тудын условийже денат келшеда лектеш. Но тендан ойпидышыште тыгай условий але ешартыш моло пункт уке, но банк садак процент ставкым кӱзыктен гын, тугеже шке правадам суд гоч арален налын кертыда.
С.Носова ямдылен
