Тений 11 январь гыч 28 февраль марте республикыштына школышто тунемше-влакын Россий кӱкшытан олимпиадыштын регионысо йыжыҥже эрта.
Палемдыме жапыште 9-11 класслаш коштшо 1200 утла ӱдыр-рвезе чумыр налмаште 21 общеобразовательный предмет дене шинчымашым терга. А 7-8-ше классыште тунемше-шамычлан физике дене Дж.К.Максвелл лӱмеш, математике дене Леонард Эйлер лӱмеш да астрономий дене Струве лӱмеш олимпиаде эртаралтеш.
Олимпиадым искусство (тӱнямбал художественный культур) предмет дене шинчымашым тергымаш почын. Тудо Марий кугыжаныш университетыште лийын. Тушто мемнан да йот элласе культурым, искусствым палымым чылаже 40 участник ончыктен. Нунылан куштылго стартым да сеҥымашым Марий Эл образований да науко министр Лариса Ревуцкая тыланен.
Г.Кожевникова
Фотом Марий Эл Образований да науко министерствын сайтше гыч налме