Марий Элыште «Оласе кумдыкым йӧнаным ыштымаш» федеральный проект илышыш сайын шыҥдаралтеш.
Проект Российын президентше Владимир Путинын кӱштымыж почеш 2017 ийыште пашам ышташ тӱҥалын.
Республикыште ты проектлан кӧра 307 мер кумдыкым, 242 кудывечым тӱзатыме.
«Оласе кумдыкым йӧнаным ыштымаш» федеральный проект дене йӱклымаш 21 апрельыште тӱналеш.
Тений республикыште илыше-влак 2026 ийыште тӱзатышаш кумдыкым ойырат.
Онлайн-йӱклымаш zagorodsreda.gosuslugi.ru платформышто эрта да 12 июнь марте шуйна. Йӱклымашке оласе округышто илыше да 14 ийым темышке кажне еҥ ушнен кертеш.
