У объект
«Илышым саемдаш йӧным ыштена»
Тений икымше пелийыште «Рӱдӧ Россеть» ден «Рӱдӧ да Юл кундем Россеть» 759 мегаватт куатан 32 тӱжем утла у объектым технологий велым ушеныт.
«Рӱдӧ Россеть» ПАО ты шот дене 16 тӱжем утла договорым ыштен, потребитель-влаклан 375 мегаватт наре куатым ешарен пуэн. Кугу проектла радамыште Воронеж областьыште алюминий атым ыштен лукшо заводым (7 мегаватт), Курск областьыште кугу илыме комплексын икымше черетшым (4,7 мегаватт) да Липецк областьыште агропромышленный комплекс предприятийым (4,8 мегаватт) ончыкташ лиеш.
«Рӱдӧ да Юл кундем Россеть» ПАО чумыржо 384 мегаватт куатан 16 тӱжем утла объектым ушен. Кугурак радамыште Рязань областьысе заводлам (5 да 4,9 мегаватт), Удмурт Республикысе предприятийлам (4,2 да 4 мегаватт) да Калуга областьысе шуко функциян спорт рӱдерым (0,55 мегаватт) палемдаш лиеш.
«2026 ий икымше пелийым иктешлымаш ончыктен: «Рӱдӧ Россеть» ден «Рӱдӧ да Юл кундем Россеть» промышленностьын, илыме верым чоҥымаш ден социальный сферын электровий шотышто кушкын толшо йодмашыштым жапыштыже да тӱрыс шуктат. Ме технологий велым ушымашым саемден толына, тыге потребитель-влаклан электровийым ӱшанлын ситараш, регионлаште экономикым вияҥдаш, у паша верым почаш да еҥ-влакын илышыштым улаҥдаш йӧным ыштена», – палемден «Рӱдӧ да Юл кундем Россетьлан» вуйын шогышо «Рӱдӧ Россеть» ПАО-н генеральный директоржо Борис Эбзеев.
Юрий ИСАКОВ.
Снимкыште: у объект сетьыш ушалтеш.
Станислав Семёновын фотожо.
