Чуваш Республикыште «Новочебоксарск – город единства народов и культуры» пайрем эртен. Тушко Звенигово районысо Какшамарий гыч верысе тӱвыра пӧрт пелен чумырымо «Ӱшанлык» калык фольклор ансамбль миен.
«Культурное наследие» проектым аралыме семын участник-влак армян, татар, марий, индий, руш, моло калыкынат муро, куштымаш, кочкыш ойыртемыштым ончыктеныт.
— Марий калыкын дене ме, «Ӱшанлык» ансамбльын участникше-влак, палдаренна, — ойла коллектив вуйлатыше Н.Мишина. — Пайрем концертым ончышо-влаклан марла мурен-куштымаш поснак келшен, садлан шокшо кидсовыш дене вашлийыныт.
Калыкнан поян ӱстелсийжымат чумыренна. Ме мелнам, команмелнам, овартаным, салмагиндым, перемечым, шыл когыльым, сырам ( пура), турнявӧчыжым, подкогыльым, ятыр молым – намиен, ӱстелнам пойдаренна.
Новочебоксарскыште тӱрлӧ национальностян калыкын келшен илымышт пайремыштат койын. Тидым ансамбльна денат пеҥгыдемдаш полшенна.
Л.Камалетдинова.
Фотом ансамбльын архивше гыч налме.
