Шорык
Тиде арнян ешыштыда илыш ласкажак огеш лий. Лишыл еҥда-влак кокла гыч ала-кӧлан полшаш логалеш. Мӧҥгыштӧ ачалыме пашам шукташ кӱлмӧ нерген йодышым каҥашымаш ӱчашымашым тарватен кертеш. Каныш кечылаште йӧратыме еҥда але йолташда-влак дене иктаж-кушко миен толза.
Презе
Шӱмбелда пешыжак куандараш тыршаш огеш тӱҥал. Адакшым икте-весе кокласе кылдам манеш-манеш локтыл кертеш. Нимогай пашамат шолып ида ыште. Каныш кечылаште кевытлашке миен толын, шкендам иктаж-мо у дене куандарыза.
Йыгыр
Йолташда-влак кокла гыч ала-кудыж дене кылда локтылалтеш. Амалже окса дене кылдалтеш, очыни. Сандене шийвундыдам арымеш ида пу, шкежат ида нал. Пашаште чылажымат жапыштыже ыштыме дене оксада ешаралт кертеш. Каныш кечылаште кумылда нӧлтшӧ лиеш.
Рак
Тиде арнян вуйлатыше дене кылда пӱсем кертеш. Кугу ӱчашымашке шуаш огыл манын, чытышырак лияш тыршыза. Усталык дене кылдалтше пашам шукташ, спорт дене кылым кучаш келшыше арня. Каныш кечылам лучо мӧҥгыштыда еш коклаште эртарыза.
Лев
Палемдыме планышкыда вашталтышым пурташ перна. Канаш але путешествийыш каяш тарваныше-влак нелылыкыш логал кертыт. Корныш шке машина дене лектыда гын, тӱткӧ лийза, правилым ида пудырто. Мӧҥгыштӧ ачалыме пашам тӱҥалаш лиеш.
Ӱдыр
Технике, тул дене пайдаланыме годым чот тӱткӧ лийман. «Электрон оксагалтадам» шалатыме лӱдыкшӧ уло. Шкендан деч кугурак еҥ дене палыме лийыда. Ончыкыжым тудо тыланда пашаштыда полшен кертеш. Каныш кечылашке кевытлашке миен толаш келшыше жап.
Виса
Тиде арнян шӱмбелда шкенжым умылаш лийдымын кучаш тӱҥалеш. Тудын дене ончыкылыклан шонымашдат тӱрлӧ улмым рашемдеда. Чытышырак лийыда гын, коктын кугу тума марте огыда шу. Шинчымашым келгемдаш кумылда лектеш.
Скорпион
Тендам шукын пример семын ужаш тӱҥалыт, сандене мудреч, ласка улмыдам ончыкташ тыршыза. Чапда чотак нӧлталтеш. Южо йодыш шотышто
поснак пӱсӧ уш-акылан улмыдам ончыкташ йӧн лиеш. Каныш кечылам шкет эртараш келшен толеш.
Пикшызе
Личный илышда ласка огеш лий. Йӧратыме еҥда куандарымым чарна гын, «шолашке» ончаш кумылда лектеш. Ӱшанле улмо шотышто йодыш тиде арнян ик эн пӱсӧ лиеш. Каныш кечылаште вашкылда тӧрлана. Тендам сӱаныш ӱжыт, очыни.
Ирказа
Ешыштыда икте-весе коклаште кыл локтылалтеш. Тиде амал дене
утларак жапым йолташда-влак дене эртарыме, нунын деч каҥашым йодмыда шуаш тӱҥалеш. Каныш кечылам спортлан, тазалыкым пеҥгыдемдыме процедур-влаклан пӧлеклыман.
Вӱд йоктарыше
Тиде арнян шке ончылныда цельым шындыза да тушко шуаш тыршаш тӱҥалза. Воктеныда улшо еҥ-влак тендам тӱрлӧ ӱчашымашке, вурседылмашке ушаш тыршаш тӱҥал кертыт. Тиде амал дене нервда чотак локтылалтеш. Сандене чыла тидын деч ӧрдыжтырак лияш тыршыза.
Кол
Тиде арнян лишыл еҥда-влаклан шергакан пӧлекым налаш кумылда лектеш. Но тидыже кугу окса роскот марте шуктен кертеш. Сандене шийвундым аныкленрак кучылташ темлалтеш. У еҥ дене палыме лийыда. Ончыкыжым тудо илышлан чотак туныктен кертеш.
Л.КАМАЛЕТДИНОВА
