КУЧЕМЫШТЕ

Икымше йыжыҥ мучашлалтын

6 июльышто Правительстве пӧртыштӧ республикын Рӱдӧ сайлымаш комиссийжын председательже Ирина Татаринова журналист-влак дене вашлие. Тидлан амалже Марий Эл вуйлатышым сайлымаште избирательный кампанийын икымше йыжыҥжын 5 июльышто мучашлалтмыже лийын.

Чылаже вич кандидат деч документ пурен. Нунын кокла гыч кок еҥ: Юрий Зайцев – регион вуйлатышын пашажым жаплан шуктышо ден Василий Арисов – Памар амбулаторийын врач-терапевтше – самовыдвиженец семын ушненыт. А эше кумытшо партийла гыч кандидат-шамыч улыт. Тиде  – Валентина Злобина («Партия пенсионеров»), Антон Мирбадалев («ЛДПР») да Наталия Глущенко («Справедливая Россия»).

– Кызыт нине вич еҥлан «муниципал фильтрым» эртыман. Вес семын ойлаш гын, 123 муниципал депутат деч кидпалым погыман. А самовыдвиженец-шамычлан эше избиратель-влак деч 5320 подписьым чумырыман. Тылеч вара июль мучаште республикысе Рӱдӧ сайлымаш комиссийыш документым кондыман, – палдарыш Ирина Татаринова.

Любовь Камалетдинова

Опубликовать в Одноклассники

Добавить комментарий