«Российский газет» Белоруссийым немыч фашист-шамыч деч утарымылан 80 ий теммылан пӧлеклалтше «Партизан землянке» мероприятийым эртарен. Тудо изак-шольыла келшен илыше калыкым, руш ден белорусым, иквереш ушен. Мероприятийын тӱҥ унаже партизан-влакын ешышт лийыныт.
Историй Россий ден Беларусьым пеҥгыдын кылден. Ме коктынат партизан-шамычна дене кугешнена, молан манаш гын нуно совет республиклам оккупироватлыше нацист-влаклан ласкан илаш эрыкым пуэн огытыл.
Тидын нерген «Подвиги и судьбы партизан в документах» выставке каласкала. Ончерым «Российский газет» редакцийын коридорыштыжо вераҥденыт. Экспозицийым Минск гыч коллеге-влак Беларусьын посольствыж гыч лӱмын конденыт.
Сар нерген чын шарнымашым арален кодымо, тудын верч пырля кучедалме Российыште да Белоруссийыште илыше-шамычлан ончыко каяш вийым пуа.
