Ушештарена, «Профессионалитет» федеральный проект почеш тений 1 сентябрь гыч Юл кундем кугыжаныш технологий унверситетын Йошкар-Оласе аграрный колледжыштыже ялозанлык направлений дене «Агротехник» тунемме-производство кластер пашам ышташ тӱҥалеш. Кызыт тушко тунемаш пураш приёмный кампаний эрта.
Колледжын амбассадоржо-шамыч абитуриент-влакым да нунын ача-аваштым кумылын вашлийыт, чыла йодышлан вашештат да умылтарат. Приёмный комиссийыш толшо-влак кокла гыч иктыже – Фёдор Пирогов. «Йошкар-Оласе аграрный колледж нерген ик классыш коштшо йолташем-влак дене пырля Почмо омса кечын пален налынна. Мый тунамак «АПК-ште электротехнике системе» специальностьым ойырен налынам. Электрике мылам йоча годсек оҥай», – каласен рвезе.
А теве Артём Фалалеев (снимкыште пурлаште) «Ялозанлык технике да оборудований дене пайдаланымаш да олмыктымаш» специальность дене тунемаш пурынеже
Палемдыман, тунемме-производство кластерыш 270 самырык еҥлан верым ойырымо.
Г.Кожевникова
Фотом колледжын сайтше гыч налме
